球場牧養Dream Maker (part 2) 球員的說話

一隊波唔單只訓練，嬴比賽。生命結連、兄弟情誼。每個人、每次個訓練、每個戰術都係真正的球場牧養

輝仔給隊員的話2013-5-10

輝仔: 有人話我長大了少了笑容 (會黑面) ,可能試過經歷挫折,難接受那種失敗感正在很迷茫中。
但最近發現我更珍惜任何面前及之前的人同學,朋友,家人,隊友,波友。其實我覺得我是個負責任的人。在某些事情上我相信有付出才有成果。全賴有一班教會朋友一直在背後支持我鼔勵我,話咁快就識左你地 7 年了 , 7 年時間內教我如何與別人溝通,牌氣控制,多謝你地

100人都說讚
隊友回應:
聰: 成日笑的輝仔係最可愛的，哈哈
tao: 我無乜野可以送比你, 只係想講句 「一日不放棄, 一日不失敗」...加油

隊員亞禧的心聲

禧:我在Dream Maker 都快4年了,以下是我的一些感想.

我覺得自己好幸運,首先自己對籃球好熱血+熱愛,我相信每位對籃球充滿熱誠的巴打,每當睇NBA比賽,甚至香港甲一,都會想,如果場上有我在,那有多好,但那時候可以真正叫做實踐下而個小小既夢想,往往係中學學界既時候,但畢業後,甚至上到大學,甚至出來工作,往往好多因素(職業,環境,社交圈子)而令到這些曾經為籃球瘋過的巴打變成真真正正遙不可及既[夢]想,.幸好到我而家出左黎做野,都可以有一班固定波友/隊友有機會俾我繼續係籃球有學習,有突破,而這正正是Dream Maker 的波友給予我而個小小既機會.

3on3/4on4,球隊練習,到真正比賽,3樣野完全拉不上關係,我而家先漸漸明白,何解經驗對於一個職業球員係咁重要,往往就算你街頭籃球玩哂,去到全場既立體性你又未必掌握到;就算練習純熟,到真正比賽個份臨場既壓迫感你又可能未必控制到,所以我覺得好幸運係Dream Maker 俾左個機會我可以學到技巧,如何係比賽上實踐出來.
4年了,隊員變化亦到大,一代到而家二代可謂面目住非(差不多),但我亦覺得我地而家開始真真正正似一隊波,比賽時真正用到教練戰術/部署;比起以前我地比賽/友誼賽時隊形雜亂無章好得多.
近這三場比賽,真係好正,好激動,唔係因為羸左波,而係我地每一個搵到自己比賽中既角色,團結一心,真係用戰術/隊型去贏每一場波.touchwoodd講句,如果今次我地真係去唔到final 2, 我覺得已經比上次籃體聯賽銀盃賽亞軍表現好得多,已經好心滿意足(雖然,落到場有邊個唔想羸丫).

最後,想多謝BEE本雞,多謝BEE工作上都已經好多野做,已經用了陪家庭既時間都為Dream Maker 部署戰術,諗訓練既野;多謝本一直都係我地中間支持我地,有段時間手受傷了,有時訓練比賽都照SUPPORT我地;多謝雞爺,本身雞爺係一個足球界強者,但亦都放下自己所愛去陪我地一齊玩,一齊癲,正呀雞爺!

堅持到底,一定有野睇!YEAH!
BASKETBALLNEVERDIE!

1000人都說讚
你都來比個like及回應

tin 個人網誌 其他文章分享  http://tintinamazing.blogspot.hk/

Dream Maker

 最初期Dream Maker

 從小已經喜歡打籃球的我，在籃球場上認識到很多重要的朋友，後來信了主之後，一直有堅持打籃球，後來去了柬埔寨宣教，最初兩年因言語不通很難與人建立關係，但在球場上所交到的朋友，比想象之中來得容易與自然，可能因為運動中用身體的交流可以表達另一方面的友誼，特別合適於男性及青少年。從柬埔寨宣教回到香港.喜歡打波的我好想用籃球來傳福音，近兩三年來更加全身投入建立了球隊Dream Maker。 

 

Dream Maker弄球隊成立了4年時間，我看見在球員身上很多生命的果子慢慢成長了，由不懂打籃球到現在很多比我更利害的球員，由開始只是在籃球場上點下頭的朋友，慢慢開始成為真正朋友，可以傾生命不同範疇的話題，(包括家庭、拍拖、學業、人生方向、性格、信仰)。文章中與大家分享其中一個仔，輝仔的成長路。

戰勝自己的輝仔

在屋村籃球場認識14歲的輝仔，當時身體好廋，起初很少聽到佢講野，因佢不善合作，較個人主義風格打波的性格而且沒有自信，在球隊訓練時好多時因為自己表演不佳而鬧情緒，特別當有勝負之分的訓練或比賽、好多時會看見輝仔突然黑臉。曾經有幾次與球員衝突讓輝仔好憤怒因而一邊爆粗，一邊眼紅紅。可見這少年人有太多不被接納的聲音，只可以用粗口及眼淚表達。但在我們一班同工眼中輝仔是一個比較細心，童真的人。每一次我們球隊訓練之後的活動就是來我家玩game及分享，那時我的孩子剛剛出生。是個需要保護的小bb，很多時輝仔會主動照顧孩子，笑容是很溫柔、細心的。

我們常常鼓勵輝仔學習正確的表達自己，特別在打波有不滿時把爆粗、發火的仇恨、化成積極的動力，去做好防守及搶板工作。我覺得他的進步明顯，在上年一次盃賽中，我們面對極大的不公平判決中，起初輝仔被不公氣得哭了、但我們很快把力量集中，其中輝仔控制得自己很好，成功組織起防守，成功兩次封阻對手、我們把落後的十多分一一追回來，最後我們逆轉了比賽、是全隊人用熱血與汗水的勝利，更是輝仔的人生一次重要的勝利。因著自信心及技術的成長，他後來加入了由香港代表隊最佳籃球員所執教的校隊，在籃球技巧及能力上都有進一步的提高，但輝仔與我分享在dream maker的學習技巧是細緻探索思維、由籃球講到心態再影響到信仰及球員之間的兄弟情誼才是真正開啟了他對籃球的興趣。輝仔的回應真的真的很鼓舞我。今天輝仔已經走近了耶穌一步了。

第二場友誼賽 VS 沙浸